Қазақ тілі: 5-сынып күнделік жоспар
Мерзімі: __.09.2014;
Қазақ тілі: 5-сынып
Тақырыбы: Ана тілінің қызметі (кіріспе)
Мақсат:
білімділік: Оқушылардың алдыңғы оқу жылында алған білімдерін тексеруді және олардың ана тілі қызметі туралы білімді игеруін жүзеге асыру;
дамытушылық: салыстыру, билингвал, сұрақ-жауап сықылды әдістердің көмегімен оқушылардың ойлау қабілетін дамытуға қол жеткізу;
тәрбиелік: Қазақ тілі туралы даналардың пікірін айту арқылы оқушыларды отансүйгіштікке, ерлікке тәрбиелеу;
Көрнекіліктер мен әдебиеттер:
Сабақ түрі: жаңа сабақты түсіндіру
Қолданылатын әдістер: түсіндіру, салыстыру, билингвал, сұрақ-жауап және т.б.
Пәнаралық байланыс: қазақ әдебиеті, орыс тілі, өзбек тілі
Сабақ барысы:
І. Үй тапсырмасы: оқушылардан қандай кітаптар оқығанын сұрау.
ІІ. Жаңа сабақ (жаңа тақырыпты түсіндіру):
- Ана тілі туралы айтылған ғұламалардың, ақындардың, жазушылардың пікірін оқушыларға жеткіземін;
- Оқулықтағы «Ана тілінің қызметі» мәтінін оқушылармен бірге оқып-талқылап, түсінбеген сөздерін түсіндіремін, қажетті мәліметтерді тақтаға жазып беремін;
- «Тіл туралы» заңын пайдалану арқылы мемлекеттік тілдің дәрежесін оқушыларға баян етемін;
- Түркі тілдері туралы да айта кетемін.
IІІ. Дамыту (пысықтау):
Оқушылардың жазбаша сауатын тексеру үшін диктант жаздырамын;
Уақыт қала жатса, 3-жаттығуды орындаймыз.
ІV. Қорытынды: Жаңа тақырып қай деңгейде меңгерілгенін білу және тексеру үшін оқушыларға сұрақ қою, кеткен кемшіліктерді жөндеу; бағалау
- Үйге тапсырма: 4-жаттығудағы өлеңді оқып, әлі келгенше жаттап келу.