Қазақ тілі 1 класс ОМЖ орыс сыныптарына 2017-2018 жылға

Бұл тұста «Кім көп және тез» оқыта үйрену әдісін пайдаланады. Мұғалім қазақ тіліне тән белгілі бір дыбысты айтады, оқушылар сол дыбыс кездесетін сөздерді атауы керек. Әрбір дұрыс айтылған сөз үшін мұғалім оқушыға жұлдызша береді.

Дыбыстарды оқушылардың өздеріне іштей, сосын дыбыстап айтқызып, дыбыстау мүшелерінің қызметін нақты мысалдармен түсіндіріңіз. Құрамында қазақ тіліне тән дыбыстарды түрлі ойындар арқылы жаттықтырыңыз. Әрбір жаңа дыбысты/әріпті өткенде, оқытқанда жуан, жіңішке дыбыстар деген грамматикалық ұғымдарға нақты мысалдармен зейінін аудартып отырыңыз. Бұл әдісті жаңа дыбысты /әріпті өтетін алғашқы күнінен бастап үнемі өткізіп отырғаныңыз жөн.

Сәлемдесу түрлері.

(МК) Мұғалім «Шеңбер әдісі» ережесімен сәлемдесудің мынадай үлгілерін ұсынады: «Сәлем»,«Сәлеметсіз бе»,«Сәлем, менің атым – …», «Сәлеметсіз бе, менің атым – …», «Сәлеметсіздер ме», Қайырлы таң! Қайырлы күн !

(Ұ) Оқушылар шеңбер құрып, кезектесіп ортаға шығып «Сәлем, менің атым – … » деп өз аттарын айтып, орнына барып, көршісіне қолын созады. Осылайша барлық бала өз атын айтып, танысып шығуы керек.Оқушылар жаттығуды өз аттарын ырғақпен шапалақтай отырып қайталайды. Бұл тұста мына жаттығу орындалады: «Сәлем»,«Сәлеметсіз бе» деп жазылған түрлі эмоциядағы (көңілді, көңілсіз, ашулы, мұңлы) смайликтерді көрсете отырып, сәлемдесуді түрлі эмоциядабірнеше рет түрлендіріпқайталатады.

(Ж,Қ)Мұғалім жұпта оқушылар бір-бірімен сәлемдескенде оқушылардың мынадай дағдыларын бағалайды:

·   досымен қарапайым түрде сәлемдесуін;

·   өздерін бірнеше сөзбен сипаттауын;

·   басқаларды тыңдауын.

Қабылдау деңгейі жоғары оқушыларсәлемдесудің бірнеше түрін айта алады:

Сәлем! Сәлеметсіз бе!Амансыз ба?Қайырлы таң! Қайырлы күн!

Қабылдау деңгейі орташа оқушылар басқалармен қимылмен, ым-ишарамен немесе қарапайым сөздер мен сөйлемдерді қайталау арқылы сәлемдеседі.

Оқушылар сөздердің айтылуын сіздің бет әлпетіңізден көре алатындай көрсетіңіз. Сонымен қатар бет қимылдарын да келтіріңіз.

Тірек сөздерді ірі әріптермен жазыңыз және оларға сілтемені жиі жасаңыз. Жаңа сөздерді меңгеру үшін қайталау маңызды, сондықтан оқушыларға көбірек дағдылануға мүмкіндік берілуі тиіс.

Оқушылардың тілін дамытуға арналған қосымша жаттығулар:
«Сәлемдесу» тақырыбына қатысты әңгімелер, өлеңдер және ұйқастар айтуға және оларды бірнеше рет қайталауға мүмкіндік беріңіз.

Бұл бөлімдегі тақырыптарды меңгеруге көмектесетін қолайлы жағдай жасаңыз. Мысалы,

·   рөлдік ойындарды ойнату;

·   алғашқы жазуға арналған қаламдар, түрлі түсті қарындаштар, қағаздар, т.б. көрнекі құралдармен қамтамасыз етілген ыңғайлы орынды дайындау.

https://sc0018.kokshetau.akmoedu.kz/

(МК) Мұғалім «Мен оқушымын», «Мен мектепке келдім», «Мен 1-сыныпқа келдім», «Мен қуаныштымын» деген қысқа фразалар айтқызу арқылы сезімін білдіретін рөлдік ойындар өткізеді.

(Ж) Оқушылар мектепке келген алғашқы күнгі көңіл-күйлерін жұпта пантомимо арқылыкөрсетеді.

(Ө) Оқушылар өзінің мектепке келген күні туралы сурет салады. Өз есімін жаза алатын оқушылар суреттің төменгі бөлігіне жазуына болады.

(Т,Қ) Оқушылар бір-біріне суреттер көрсете отырып, қарапайым фразаларды қайталайды.

Мүғалім оқушылардың мынақабілеттерін бағалайды:

·   бірнеше сөздермен өз сезімдерін білдіре алуын;

·   басқалардың айтқанын тыңдай алуын.

Дифференциация:

Қабылдау деңгейі жоғары оқушыларөз сезімдерін берілген үлгі бойынша сөз, қысқа сөз тіркесі арқылы айтады.

Қабылдау деңгейі орташаоқушыларөз сезімдерін берілген үлгі бойынша сөз, қысқа сөз тіркесі, сөйлем арқылы қайталап айтады.

Тірек сөздерді ірі әріптермен жазыңыз және оларға сілтемені жиі жасаңыз. Жаңа сөздерді меңгеру, сөздік қорларын молайту үшін қайталау маңызды, сондықтан оқушыларға көбірек дағдылануғамүмкіндік берілуі тиіс.

Оқушылардың жетістіктерінкөрсету үшін дайын жұмыстардың ең жақсыларын көрсетіңіз және алдағы жұмыстарына үлгі ретінде қалдырыңыз.

Оқушылардыңтілін дамытуға арналғанқосымша жаттығулар:
«Мектепке алғаш келген кездегі сезімдер» тақырыбына қатысты әңгімелер, өлеңдер, ұйқастар айтыңызжәне оқушыларғабұл жұмыс түрлеріне қатысуына, бірнеше рет қайталауына мүмкіндік беріңіз.

https://erketai.kz/

(МК) Мұғалім шаттық шеңбері «Сиқырлы айна» ойынын ойнатады. Оқушылар кезектесіп айнаға қарап тұрып өз-өздерін сипаттайды. Мұғалім сөздер мен сөз тіркестерін анық, түсінікті айтқызады. Мысалы, менің шашым қара, менің көзім қоңыр.

(Ж) Оқушылар айнаға қарап, бір-біріне өздерін қарапайым тіркестермен сипаттап айтып шығады.

(Ө) Әр оқушы өз портретін салады.Өз есімін жаза алатын оқушылардың жазуына болады.

(Т,Қ) Мұғалім топтық жұмыс ұйымдастырып, оқушылардың төмендегі дағдыларын бағалайды:

·   бірнеше сөзбен өз сезімін білдіре алуын;

·   өзгенің сөзін тыңдауын.

Диффернециация:

Қабылдау деңгейі жоғары оқушылар өзінің кімге көбірек (анасы, әкесі, әжесі, атасы…) ұқсайтынын жұпта айтады.

Қабылдау деңгейі орташа оқушыларжай сөйлемдерді ауызша қайталайды.

Оқушылардың алдына нақты оқу мақсатын қойыңыз. Оқушыларға негізгі түс атауларын меңгеруіне арналған жұмыс ұйымдастырыңыз. Жаңа сөздерді меңгерту, сөздік қорларын молайту үшін қайталау маңызды, сондықтан оқушыларға көбірек сөздерді қайталап айтып дағдылануға мүмкіндік берілуі тиіс. Оқушылардың жетістіктерін көрсету үшін дайын жұмыстардың ең жақсыларын көрсетіңіз және алдағы жұмыстарына үлгі ретінде қалдырыңыз

Оқушылардың тілін дамытуға арналған қосымша жаттығулар:
жеке портретке қатысты әңгімелер, өлеңдер, ұйқастар айтыңыз және оқушыларға бұл жұмыс түрлеріне қатысуына, бірнеше рет қайталауына мүмкіндік беріңіз.

Оқушылардың алдына нақты оқу мақсатын қойыңыз.

Сөздер мен сөйлемдерді қолдану үшін қимыл және ым-ишараны қажетіне қарай пайдаланыңыз.

Әр оқушыға қағаз дөңгелек керек болады. Топтарда сұрақ қою арқылы эмоциялары туралы сөйлесулеріне ықпал етіңіз. Мысалы, Сен қуаныштысың ба?

Жаңа сөздерді меңгеру, сөздік қорларын молайту үшін қайталау маңызды: Сондықтан оқушыларға көбірек дағдылануға мүмкіндік берілуі тиіс. Оқушылардың жетістіктерін көрсету үшін дайын жұмыстардың ең жақсыларын көрсетіңіз және алдағы жұмыстарына үлгі ретінде қалдырыңыз.

Оқушылардың тілін дамытуға арналған қосымша жаттығулар:
сезімдер мен эмоцияларға қатысты әңгімелер, өлеңдер және ұйқастар айтыңыз және оқушыларға бұл жұмыс түрлеріне қатысуына, бірнеше рет қайталауына мүмкіндік беріңіз.